M-mommy! Mommy, come here!” Malapad na napangiti si Churie. ‘Kay bilis ng panahon.’ Nabahiran ng mapait na ngiti ang ng mga labi ni Churie. ‘Mismong sa leisure house na ’yan hiniling ko kay Zader na samahan niya ako sa loob ng isang buwan. Na susubukan namin sa loob ng isang buwan upang mabigyan ko siya ng anak . . . Diyan nagsimula na halos araw-araw akong lumuluhod at nakikiusap sa Maykapal . . .’
“Mommy, h-hurry!” ‘Hinihiling lang kita sa Panginoon noon, anak. But now, ang laki mo na. Binago mo nang husto ang buhay ko.’
“Nariyan na si Mommy, baby Ciro.”
“Ma’am Churie, hinay-hinay lang po. Makararating ka rin doon at ilang hakbang na lang.”
“My love. Stay still at baka matumba ka.” Rinig ni Churie na sabi ni Zader sa labas pa lang.
Sa pagpasok nina Churie at Lani sa leisure house a
