تربية أسهل

اسس التربية

🍁🌲لأن الله هيحاسبنا عليها يوم القيامة

🍁🌲ولأن التربية ليها عمق بالغ في حياة الإنسان

🍁🌲التربية بتأثر في الإنسان تأثير عميق

في

🍁🍁 تفاعله مع الأحداث

🍁🍁تقبل الأمور

🍁🍁 طريقته في التفكير

🍁🍁 التربية بتأثر في أسلوبه والتعبير عن نفسه لو انتِ بتقهري التعبير عن نفسه هيبقي تعبيره عن نفسه ضعيف

🍁🍁قدرته في التعبير عن مشاعره

🍁🍁قدرته على التحكم في إنفعالاته

🍁🌲لأن الله هيحاسبنا عليها يوم القيامة

ولادك مش ملكك.. هما أمانة عندك و انتِ مؤتمنة على تربيتهم و توجيههم.. وهتتحاسبي على التربية مش على النتائج

انتِ هتتحاسبي على كنت بعمل إيه معاهم؟ غرست فيهم إيه ؟ ربيت إيه؟ نميت إيه ؟ فهمتهم في إيه؟ حسنت أسلوبي معاهم ولا إيه ؟ إجتهدت واتعلمت إزاي اتعامل معاهم على أسس علمية ونفسية ولا إيه؟ راعيت نفسيتهم و مشاعرهم ولا إيه؟

🍁🌲ولأن التربية ليها عمق بالغ في حياة الإنسان

كل المشاكل اللي بيمر بيها الناس في حياتهم أساسها التربية.. ومرحلة الطفولة بيكون حصل فيها حاجة

🍁🌲التربية بتأثر في الإنسان تأثير عميق جدًا

🍁🍁في تفاعله مع الأحداث

🍁🍁تقبل الأمور

🍁🍁 طريقته في التفكير

🍁🍁 تفاعله مع الأحداث

بيشوفك انتِ بتتفاعلي إزاي مع الحدث الحاصل فا هو في نفس الوقت بيكتسب الطريقة دي و يبدأ ينفذها

بتزعقي تتعصبي تتوتري .. هيبقى هو كمان كدا ( انتِ قدوتهم )

🌳و الطفل بياخد العنف أو الهدوء من الأم و الأب. طريقة تفاعلهم مع الأحداث إزاي؟

🍁تقبل الأمور

لو انتِ بتقبلي التغيير و بتعرفي تتعاملي بمرونة هو هيتعلم دا لكن لو انتِ الع** هو الع** ..

🍁 طريقته في التفكير

بيكتسبها منك من غير ما تقولي أو تتكلمي. هو بيشوفك بتتصرفي فا بيتعلم

🍁🌲 التربية بتأثر في أسلوبه والتعبير عن نفسه لو انتِ بتقهري التعبير عن نفسه هيبقى تعبيره عن نفسه ضعيف

لو انتِ مشجعاه يعبر عن نفسه هيبقى تعبيره عن نفسه وثقته بنفسه عاليين.

يعني بتسمعي منه دايمًا. و تسأليه عن رأيه. و لو رافض بتناقشيه و تقنعيه ولو مقتنعش على الأقل بيكون فهم سبب التصرف.

و ممكن توصلي معاه لحل وسط يرضيكي و يرضيه ( و دي مرونة ومطلوبة في التربية ومهمة ومن أساليب التربية اللي هنتكلم عنها بالتفصيل في الصفحات الجاية )

ومش بتفرضي رأيك ..بتعلميه إنه يقول ليه؟ وبتساعديه يعبر عن نفسه.

ويسألك ليه؟ و ميعملش أي حاجة غير لما يفهم السبب؟ ( مش انتِ اللي تقوليله من غير ليه. متقاوحش. هو كدا. اسكت. انت صغير مش فاهم.. إلخ ) كل دا غلط.

كدا مش هيعرف يعبر عن نفسه أبدًا ولا هيبقى عايز يفهم ماهو إتعود إن من غير ليه.. بالتالي هينساق بقى من أي حد و هيبقى ملوش شخصية ولا رأي.

🍁🍁قدرته في التعبير عن مشاعره

إنه يقدر يقول مشاعره ويعبر عنها صح. في ناس بتعرف تعبر عن نفسها في كل حاجة إلا المشاعر.

و في أولاد لما تيجي تعبر عن الحب يض*بوكي.. لأن أسلوبه وقدرته على مشاعره ضعيفة و مش عارف يعبر إزاي، سيبيه يعبر عن مشاعره ( زعلان غضبان فرحان.. إلخ و علميه إزاي يعبر بطريقة صحيحة )

🍁🍁قدرته على التحكم في إنفعالاته

قدرته على التحكم في إنفعالاته مرتبطة بإنه

هل بيعرف يعبر عن نفسه بأسلوب كويس ولا لا؟

و هل بيعرف يعبر عن مشاعره ولا لا؟

عند كل الناس مش الأطفال بس.. لو بيعرف يعمل الإتنين دول هيعرف يتحكم في إنفعالاته.. معرفش يعمل دول هتلاقي إنفعالاته مبالغ فيها بيقول شوفوني بقى خلّوا بالكوا مني، ما هو مش عارف يعبر عن نفسه ولا مشاعره فا الفت انتباهكوا إزاي أضايقكوا بقى أزعق وأعلى صوتي.

🍁🌲أحسن حاجة ممكن تقدميها لهم هي حياة سعيدة

مهم إن الفترة اللي هما قاعدينها معايا في بيتي تكون فترة حلوة هما سعداء فيها مبسوطين مرتاحين

يكون البيت هو الملجأ ليهم والسكن والسكينة والهدوء و الراحة و يكونوا لاقيين نفسهم معايا.. و حاسيين بقيمة نفسهم يكونوا متقدرين و مقبولين ومحبوبين.. ومفهومين كويس مني. ميكونوش طول الوقت في نقد ولوم وعتاب.. مكونش أنا سبب في تدمير نفسيتهم و هدم ثقتهم في نفسهم بكلام ملوش لازمة دايمًا بيتقال زي( انتَ غبي.. مش بتفهم.. فاشل.. كذاب.. غلاوي.. عدواني.. انتَ مش نافع.. أختك أحسن منك.. مفيش فايدة فيك.. مخك تخين.. انتَ أسمر ..انت أكرت ... إلخ )

ليه كدا بس؟ هما دول أولادنا ولا أعدائنا؟

ليه بنقول لأولادنا كلام منقدرش نقوله لأولاد غيرنا؟

ليه حنينين على أي طفل مش ابننا وعلى أولادنا بنكون قاسيين؟؟ (سواء دا بيحصل بشكل واعي أو لا واعي.. بس النتيجة واحدة)

أرجوكوا حطوا نفسكوا مكان أولادكم ..

🍁مهم

أكون أنا ماما الملجأ دائمًا وأبدًا بعد الله

مهم يكونوا عارفين إن مهما حصل ماما في ضهرنا ومعانا وعمرها ما تفهمنا غلط و لو غلطنا ماما هتساعدنا وإن ماما بتثق فينا ومش بتصدق كلام حد عننا.. ماما بتسمع مننا الأول وبتصدقنا إحنا.. ماما محدش بيسخنها علينا وتسمع له.. ماما بترجع لنا إحنا و تسمع لنا إحنا

🌳وخدي بالك

لا تُشحَني ضد ابنك أبدًا.. أسوء سلوك من الأم والطفل مبينساهاش أبدًا لأنك انتِ السند.

🌳تخيلي مثلًا التصرف من جوزك.. إن حد شحنه عليكي واتشحن هتحسي بإيه..

مهم يكونوا متأكدين إني هدعمهم على طول وأسندهم وأثق فيهم، يكونوا عارفين إن لو اتخلى عنهم العالم كله و لو خذلهم كل الناس فا أنا ماما، على طول بابي مفتوح لهم وعلى طول داعمة ليهم مهما كبر سنهم ومهما حصل أنا ماما و على طول فخورة بيهم و على طول معاهم مهما حصل ومهما عملوا؛ انتِ تكوني في ضهرهم (خليكي انتِ حظهم الحلو في الدنيا وخليهم يشكروا ربنا إن رزقهم بأم زيك ) دا حقهم عندك فا جاهدي لتكوني سبب في راحتهم وسعادتهم مش سبب في شقائهم وتعاستهم.

🌳كلنا عارفين الدنيا بتعمل إيه لما بيخرجوا لها..

🌳و خدي بالك دايمًا.

هل كلامك بيثير إنفعالاته ولا تفكيره

لأن أنا مش عايزة طفل منفعل، أنا عايزة طفل يشغل تفكيره.. مقولش كلام بيشغل الإنفعال عنده، مقولش كلام يكون سلبي مش هيجيب نتيجة إيجابية ( بس بيشغل الإنفعال وبيقفل المخ بيخلي الطفل مايفكرش ) لازم أركز و أنا بتكلم، أقول كلام يشغل تفكير الطفل