MATINIS at malakas na sigaw ang umalingawngaw sa gitna ng kagubatan. Iyon ang narinig ni Cassandra habang naghahanap siya ng iba’t ibang klase ng halaman sa kagubatan. Agad niyang inilagay sa dalang plastik ang mga pinitas na bulaklak at halaman bago iyon isinilid sa loob ng kaniyang knapsack.
Sinundan niya ang pinanggalingan ng tila pamilyar na sigaw na para bang nanggaling sa itaas na bahagi ng gubat.
Hindi masyadong malinaw sa kaniya ang isinisigaw nito, pero alam niyang malapit na siya sa pinanggagalingan ng sigaw na halatang puno ng takot. Maingat siyang naglakad at unti-unting hinawi ang mga sanga ng isang punong-kahoy na tumatabing sa daan papuntang ilog.
Kaagad na nanlaki ang mga mata niya nang maging malinaw sa kaniya ang sinasabi ng batang babae.
“Xander! Xander!” patuloy na
