PAGKABUKAS ni Cassandra ng pinto ng bungalow na inookopa nilang mag-ama ay akmang didiretso na sana siya papunta sa loob ng kuwarto niya nang bigla siyang pigilan ni Clay sa pamamagitan ng paghawak nito sa braso niya. Marahan siya nitong iginaya sa kusina bago siya pinaupo sa harap ng dining table.
“Kumain ka na muna para makainom ka na ng gamot at makapagpahinga,” utos ng binata. Like always, he's serious and he will not take no for an answer.
Walang pagtangging umupo siya sa upuan pagdaka'y inilugmok ang ulo sa dining table. Ngayon lang niya lubos na naramdaman ang labis na pagkaantok at panlalata ng katawan.
“Wait for me here at kukuha ako ng pagkain na niluluto ni Kuya Pier. Mas maiging ring makahigop ka ng sabaw. Take a rest, all right?” paalam nito at utos nito na saglit siyang ma
