KINABUKASAN naalimpungatan ako dahil sa bahagyang sikat ng araw na tumatama sa aking mukha, at nang imulat ko ang aking mga mata'y bumungad sa akin ang magulo at makalat kong silid.
Agad kong naalala ang mga nangyari kagabi, at muli ko na namang naramdaman ang sakit at pagsisisi sa aking puso, napalingon ako sa larawang nasa aking mga kamay, 'yon ang larawan naming mag-asawa na nakatulugan ko na kagabi habang yakap-yakap, at sa muling pagkakataon ay muling tumulo ang aking mga luha.
I love you, baby. I'm so sorry. Nagkamali ako, pero hayaan mo aayusin ko 'to, aayusin ko ang pagsasama natin. Mahal na mahal kita.
Tinitigan ko ang larawan ni Sarah pagkatapos ay 'tsaka ko hinalikan ang larawan nito habang patuloy sa pag patak ang aking mga luha.
Makalipas ang ilang sandali'y tumayo na rin
