DALAWANG BUWAN na mahigit ang lumipas mula ng iwan ako ni Sarah, at sa loob ng dalawang buwang iyon ay hindi na ako umuuwi sa aking condo at kahit pa sa mansyon, lalo na nang malaman ko kinabukasan at mabasa ang resulta ng DNA test namin ni Cleah.
Positive ang result ng DNA test namin ng bata, ng batang pilit kong itinanim sa aking isip na hindi ko anak, ang batang ilang beses kong binalewala, ang batang hindi ko man lang nagawang iparamdam ang aking totoong pagmamahal at ang batang hindi pa man naisisilang ay nagawa ko ng itat'wa at pagkaitan ng lahat-lahat mula sa isang ama.
Halos magunaw na ang aking mundo nang araw na mabasa ko ang resulta ng DNA test namin ng aking anak na si Cleah, sobrang sakit na halos waring hindi na ako makahinga, lalo na nang maalala ko 'yong araw na nagmamaka
