MAAGA akong gumising kinabukasan dahil maaga rin ang plano kong bumalik sa mansyon, upang kunin na rin ang lahat ng iba ko pang mga gamit na natitira roon, gan'on na rin ang annulment of marriage namin ni Clinton na sinabi nitong ngayong araw rin nito mismo ibibigay sa akin.
Halos dalawang oras pa lang ang aking nagiging tulog, dahil pag-uwi ko kagabi sa condo ay agad ko na ring inempake ang lahat ng aking mga gamit, dahil bago pa man uli ako magpatuloy sa pagmamaneho kagabi at pinilit kalmahin ang aking sarili'y buo na ang aking desisyon na tuluyan ng makipaghiwalay kay Clinton para na rin sa ikatatahimik ng aming mga isip at kalooban, 'yon ay kung gan'on nga ang mangyayari.
Bago ako lumabas ng condo ay muli ko pang iginala ang aking paningin sa kabuon ng sala, hindi ko na napigilan pan
