NAGISING ako sa isang silid na pamilyar sa akin, kung saan ang silid na ito ay isa sa silid ng klinika ng Shadow Organization.
Hindi ko alam kung ilang minuto o oras din akong walang malay dahil sa ginawa sa akin ni Mark. Pinatulog ako nito, marahil na rin upang maisaayos na rin ng mga ito ang nangyaring insidente sa aking asawa.
Agad akong napabangon mula sa pagkakahiga ng maalala ko ang nangyari. Tangka na sana akong babangon nang matigilan akong muli dahil sa pagbukas ng pintuan ng silid at iniluwa ng pintuang iyon sina Mark at si Dr. Nuñez.
Mababakas sa mukha ng mga ito ang kaseryosohan lalo na kay Mark na waring may halong kalungkutan, dahilan upang lalo lamang akong balutin ng matinding takot at kaba.
Muli akong napatikom ng bibig sa tangka ko na sanang pagsasalita nang may iniab
