CHAPTER 37
Third Person POV
Lumipas ang mga buwan, at unti-unting nawalan ng kulay ang buhay ni Mae sa loob ng mansion. Kahit na alam niyang may ibang babae si Ashero, pinili niyang manahimik. Pinili niyang tiisin. Para sa mga anak nila.
Ngunit habang lumilipas ang mga araw, lalo lang bumibigat ang mga dalahin niya. Hindi na lang ito basta malamig na pagtrato—hindi na lang ito basta pang-iwan sa kanya sa kalagitnaan ng gabi.
Dahil ngayon, pati ang katawan niya ay nagsisimula nang magdusa.
"Ang tanga-tanga mo! Wala kang silbi!"
Isang malakas na sampal ang tumama sa mukha ni Mae, dahilan para matumba siya sa sahig. Napakapit siya sa kanyang pisngi habang unti-unting namuo ang hapdi roon.
"Ashero… p-please… hindi ko naman—"
"Tumahimik ka!" sigaw ng asawa niya, bakas sa mukha nito ang
