CHAPTER 13
Third Person’s POV
Sa loob ng Operating Room No. 3, napuno ng tension ang bawat sulok. Ang malamig na hangin mula sa aircon ay hindi sapat para pakalmahin ang atmosphere sa loob. Ilang pares ng mata ang nakatutok kay Dr. Ashero Guil, na ngayon ay seryosong nakatutok sa pasyenteng nakahiga sa operating table.
“Vitals?” malamig niyang tanong, hindi inaalis ang tingin sa ginagawang incision sa katawan ng pasyente.
“Blood pressure dropping! Heart rate unstable!” mabilis na sagot ng nurse habang patuloy na sinusubaybayan ang monitor.
Napalunok ang ilang staff sa loob. Ang ganitong sitwasyon ay hindi basta-basta. Kahit isang pagkakamali lang, maaaring mawala ang pasyente sa isang iglap.
Ngunit si Dr. Guil, sa kabila ng presyur, ay nanatiling kalmado. Kitang-kita sa kanyang mga m
