┈┈┈┈◦•✩•◦┈┈┈┈
Naglalakad si Kimie sa tabing dagat. Sapo niya ang may kalakihan niyang tiyan. Hindi siya mapakali, pakiramdam niya ay may mga matang nagmamatyag sa kanya. Lumingon siya sa kanyang paligid, pero wala namang tao at si Rasselle ay nasa harapan ng laptop nito sa harapan ng rest house at nagtatrabaho. Humugot siya ng malalim na paghinga at nagpatuloy sa kanyang paglalakad. Kahit papaano ay unti-unti na niyang natatanggap sa kanyang sarili na hindi para sa kanya si Rouge. Tanging anak na lamang niya ang binibigyan niya ng pagpapahalaga ngayon. Inaamin din niya sa kanyang sarili na nasasabik siya na masilayan ang kanyang unang anak. Napatingin siya sa karagatan. Wala na ang yacht na lagi nilang nakikita ni Rasselle, tila umalis na ito kaya nagkibit balikat na lamang siya. Muli si
