Sa pangalawang araw ni Reo, dumalaw siya sa puntod ni daddy. Hinatid namin siya ni Aina sa Airport kinabukasan pagkatapos niyon. Nagbilin pa siya na dadalaw muli kung makakakuha ng pagkakataon. After Reo’s surprise visit, I felt better. Lumamig na ako at nawala na rin ang init ng ulo kay Lucas.
Pabalik kami sa unit galing Airport nang mapagtanto na tatlong araw nang walang paramdam si Lucas. Pagkatapos ng eksena sa mall at ng tawag niya’y hindi pa kami muling nakapag-usap. Naisipan ko siyang tawagan pero nag-alinlangan ako dahil nagsabi siya na tatawag siya kapag may update na sa takbo ng kaso.
Sa halip na si Lucas ang tawagan ay si Rome na lamang ang tinawagan ko. Tumapat ang tawag ko na malapit siya sa building kaya’t nagsabi siya na kung gusto kong sumama sa pupuntahan niya’y dadaanan
