HINDI masalubong ni Tanya ang mga mata ni Taylor na matiim na nakatitig sa kanya. Para siyang malulusaw na hindi matagalan ang matiim nitong pagtitig.
"Are you staying here for good, Leo?" tanong ni Thirdy dito na tumango.
"Opo, tito. Dito namin napili ng asawa ko na manirahan. Ang totoo niya'n, kakakasal lang namin ni Tanya kaninang umaga. Tumuloy kami dito dahil dito sa hacienda namin napiling magsimula. May salo-salo po sa mansion. Dumaan muna tayo mamaya doon at mag-inuman," sagot ni Leo na ikinangiti ng dalawang kausap.
"Congratulations, Leo, Tanya. Pasensiya na, wala kaming nadalang regalo ha? Ang narinig lang kasi namin ay darating ka kaya tumuloy na kami dito," ani Dos na inakbayan si Leo at inakay na maglakad-lakad.
Sumunod naman si Thirdy na nakikinig sa usapan ni Leo at D
