MASAYANG nakisalo sina Leo at Tanya sa mga trabahador sa inihanda ng mga itong salo-salo sa mansion. Lihim namang inaaral ni Tanya ang kanyang asawa. Magiliw itong nakikipag-usap sa mga trabahador na parang kabarkada niya ang mga ito. Sumasabay si Leo sa kanila kahit sa mga biruan ng mga ito.
"Kumain ka pa, baby. Masarap din ito, subukan mo." Pabulong saad nito kay Tanya na naglagay ng beef afritada sa plato ng asawa nito.
"Busog na nga ako e. Baka naman hindi tayo matunawan kaagad nito," pabulong sagot ni Tanya.
Kumain na kasi sila kanina sa restaurant matapos ang kasal bago sila nagpunta dito sa hacienda. Kaya mabilis siyang nabusog. Ayaw naman niyang maging KJ sa mga trabahador lalo na't naghanda ang mga ito para sa kanila ni Leo. Kaya kahit busog na ito, pinipilit niyang kumain at
