HABANG hinihintay ni Tanya matapos ang therapy session ng ama niya, nakatulala ito na iniisip ang sitwasyon nila. Malakas ang kutob niyang si Gela ang babae ni Leo dahil sa nangyari kagabi. Kung saan nagpang-abot sila ni Gela sa hallway at pawis na pawis ito. Sa lahat ng mga babaeng nasa mansion, si Gela lang ang pasadong maglalakas loob na ahasin siya at akitin ang asawa niya. Pero hindi sapat ang basehan niya para kumprontahin ang dalawa na may relasyon nga ang mga ito.
"Ano kaya ang ibig sabihin ni Taylor kagabi? May alam ba siya? Alam niya kayang. . . may relasyon ang dalawa?" usal niya na naipilig ang ulo.
"Anak, are you okay?"
Napadilat ito ng mga mata na marinig ang boses ng ama niya. Ngumiti ito na makita ang ama nitong nakatayo sa harapan niya. May hawak pang tungkod para maa
