NANGUNOTNOO si Talita na makita ang asawa nitong malalim ang iniisip. Kanina niya pa napapansin ang pagiging tahimik ni Thomas. Magmula nang dumating siya mula trabaho, hindi ito umiimik.
"Hon, may problema ka ba?" nag-aalalang tanong ni Talita sa asawa nito.
Sumampa na siya sa kama. Katatapos lang kasi nitong mag-shower at magpapahinga na sana silang mag-asawa. Napabuntong hininga naman si Thomas na napailing. May mapait na ngiti sa mga labi.
"May iniisip lang ako, hon. Kumusta ka sa office?" pag-iiba ni Thomas sa kanilang paksa.
Umayos naman ng pwesto si Talita na umunan sa dibdib ng asawa nito. Niyakap siya ni Thomas na hinagkan pa sa ulo at hinahagod-hagod sa likuran.
"Don't worry about the company, hon. Maayos naman doon. Pero syempre, iba pa rin kapag ikaw ang nagma-manage no
