KABADO man ay pilit ngumiti at tinatagan ni Tanya ang loob nang lumapit sila sa mga grandparents nila Taylor. Nakangiti ang mag-asawang Cedric at Liezel Montereal sa dalaga.
“Uhm, Mamita, Paps, siya po si Tanya,” magiliw na wika ni Marione na siya na ang nagpakilala sa dalaga sa kanilang grandparents.
Nahihiya man, yumuko at ngumiti si Tanya sa mag-asawang Montereal.
“Magandang gabi po, ma'am, sir, isang karangalan po na makaharap kayo,” magalang saad ni Tanya sa mag-asawa na bumeso sa kanya at magaan siyang niyakap.
“Hello, hija. I am Liezel Montereal, and this is my husband– Cedric. Bakit naman makaharap lang? Hindi ba't magiging myembro ka na ng pamilya Montereal?” nakangiting saad ni Mrs Montereal ditong pinamulaan ng mukha.
Nangingiti namang sinusundot sundot ni Marione sa tag
