Chapter 71
“Kahit ano pa’ng gawin ninyo, wala pa rin mababago. Lalayasan ko rin kayo as soon as I get out of here.”
Hindi ako pinansin ni tito Eric na nag-iwan lang ng pagkain sa mesa sa tabi ng kama ko. Hindi siya nagsalita, sa halip ay lumabas lang ng silid. Kinuha ko ang pagkain at ihinagis iyon sa saradong pinto, kasama ng dinala niya’ng breakfast at lunch.
Bumalik ako sa kama at nahiga rito.
Nagising na lang ako sa silid na ito. Tingin ko bahay ito ni tito, medyo pamilyar ang scenes sa labas, eh, mga malalaking bahay na matataas ang pader. Sinubukan kong sumigaw at humingi ng tulong kanina, pero walang nakapansin sa akin.
May grills ang mga bintana kaya `di ako makalabas dito, hindi rin ito nasira kahit pa pinaghahampas ko ito ng upuan, nabasag lang ang salamin na ngayon, nakaka
