Fourteen years ago…
GINO’s POV
Ginawa ko ang lahat para matupad ko ang sinabi ko kay Minzy na magta-transfer ako sa school niya. Noong umaga na umalis ako sa apartment niya, nagsimula na akong kumilos sa sarili ko para makaipon ng pamasahe pabalik sa school ko at makuha ang requirements na kailangan ko sa paglipat.
Tatlong araw ang ginugol ko sa pangangalakal ng basura na p’wedeng pagkakitaan, tulad ng mga plastic at kung anu-ano pa. Tuwing gabi naman, pasimple akong pumupuslit sa katabing apartment ni Minzy, sa bodega, para may matulugan. At tuwing madaling araw naman ako umaalis para walang makakita sa ‘kin.
Nang makaipon ako ng sapat na pamasahe, nagpunta agad ako sa dati kong school at kinuha lahat ng kailangan kong requirements sa pag-transfer.
Ang totoo, maraming nagulat na mg
