HANNA’s POV
KASALUKUYAN kaming papunta ni Kim sa shop ni Phoenix. Niyaya niya agad ako matapos ang huli naming klase. Pero ang totoo, ayoko sanang pumunta. Sabi ko hindi pa kami masyadong nag-uusap ni Phoenix matapos ang nangyari sa birthday niya kung saan kinompronta nila si Gino. Pero pinilit pa rin ako ni Kim.
Sabi niya, kaya lang naman daw gano’n si Phoenix — kaya siya nagalit sa akin ay dahil concern siya sa kalagayan ko.
“Alam mo ba? Nu’ng gabing nagpasundo ka sa kan’ya dahil naabutan mong may kasamang babae si Gino sa bahay n’yo, tinawagan n’ya rin ako no’n. Sinabi n’ya sa ‘kin na naaawa s’ya sa’yo.” Tahimik akong nakikinig sa kaniya habang nakasakay kami sa taxi. “Tapos nu’ng araw na nabalitan n’yang sumama ka na ulit kay Gino, sobrang disappointed s’ya. Alam mo bang magka-video
