HANNA’s POV
“Thank you so much, Grey!” masayang sabi ni Phoenix nang makalabas kami sa restaurant.
Mabuti na lamang ay hindi natuloy na pumunta si Gino rito sa restaurant dahil tinadtad siya ng mura ni Phoenix at sinabing hayaan na lang muna ako. Ayun, natauhan naman at hindi na nangulit pang tumuloy kaya kahit papaano ay na-enjoy namin ang dinner.
Tuwang-tuwa rin ang dalawa — si Kim at Phoenix — dahil hindi kami pinagbayad ni Grey. Actually, may receipt ang kinain namin pero kinuha iyon ni Grey at siya na raw ang bahala sa bill. At ngayon, nagpilit pa siya na ihatid kami pauwi. I mean, kami lang ni Kim dahil si Phoenix ay susunduin daw ni Jake.
“Sure ka bang hindi ka sasama sa ‘kin sa bahay?” Binalingan ako ni Phoenix noong nasa waiting area na kami.
“Hindi muna. Papasok ako bukas k
