Hindi inaasahan ng hari ng Monstré ang biglaang pagsulpot ni Iris sa gitna ng pag-uusap nila ng mortal. Hindi niya naramdaman o naamoy man lang na mayroon nang nakapasok sa teretoryo nila.
"Mga hangal! Kayo na ang kusang lumapit sa inyong katapusan!" Umugong ang boses nito na animo'y isang kulog dahil sa galit sa mga hindi imbitadong panauhin. "Ubusin lahat at walang ititira! Ako ang haharap sa prinsesa ng Safre!"
Hindi pa man nakakilos si Skevesh ay nasa harapan na nito si Iris. "Kumusta?" May pang-uuyam sa boses ng dalaga nang tanungin nito ang pinuno ng bampira. ''Hindi ba at sinabi ko sa iyo na kusa akong lalapit at magpapakita sa iyo kapag malakas na ako?" Bumaling ito kay Steve at ngumiti. "Hi, Steve!" Sabay kindat.
Sa kabila nang pagsasagupaan ng magkabilang panig ay hindi man
