Pinagmamasdan ko ngayon ang limang taong gulang kong anak na si Allessander. Tahimik lamang itong nakadapa sa lapag at may kung anong iginuguhit sa papel niya. Napapangiti na lang ako habang pinagmasdan siya. Sandali pa itong huminto sa pagguhit at matiim na tumitig sa akin.
“Mama, can I ask you?” seryosong tanong ni Allessander sa akin.
“Oo naman anak,” malambing ko sagot.
“Paano po kung mayroong itinatago sayo si papa? Patatawarin mo ba siya?” seryoso ang pagkakatanong niya kaya nagkaroon ako ng pag-aalinlangan sagutin siya.
Nakatitig sa akin ang mga asul niyang, mga mata na minana pa niya sa ama niya. Bawat hulma ng mukha niya ay parang hinugot lamang sa tagiliran ni Alejandro. Wala siyang nakuha sa akin kung hindi ang kulay lang ng buhok ko na sing itim ng gabi. Sa bawat features n
