Napangiti ako nang magising si Kristine. Nahimatay siya sa gulat dahil sa nalaman niya mula sa lalaking kaniyang minamahal. Alam kong galit na siya kay Cloud at tama lang 'yon.
"Nasaan na tayo?" Naalimpungatang sabi niya.
"Nandito na tayo sa mall, sa parking lot. Hinintay lang kitang magising para makabalik ka na sa store mo."
Umayos siya ng pagkakaupo at saka inayos ng bahagya ang kaniyang buhok. Nakasalubong ang kaniyang dalawang kilay habang nakatulala.
"Ayos ka lang ba, Kristine?" tanong ko sa kaniya.
Nilingon naman niya ako. "Hindi. Hindi ako okay sa mga nalaman ko. Hindi ko akalain na isang mamamatay tao pala ang lalaking mahal ko." Nangingilid na ang kaniyang mga luha nang sabihin niya 'yon.
"Anong plano mo ngayon?"
Marahan siyang umiling. "Hindi ko alam."
Bumuntong hininga
