"Ay yawa!" Malakas na hiyaw ko nang biglang sumulpot sa harapan ko si Bulbulito.
What a nice day! Ngayon lang ulit nagpakita sa akin ang matandang ito! Hindi kaya nagkasakit siya kaya siya nawala? Nakangisi ko siyang tiningnan pero siya naman ay parang hindi kagaya ng dati ang itsura niya ngayon. Sa tuwing makikita ko kasi si Bulbulito ay palagi siyang nakangising mapang-asar o hindi naman kaya ay nakangiti. Kaya kapag ganoon siya ay lalo akong nabubuwisit sa kaniya.
"Anong nangyari sa iyo? Bakit ganiyan ang itsura mo? Nagkasakit ka ba?"
Seryoso lang ang kaniyang mukha. Bumuntong-hininga siya. "Wala naman nangyari sa akin pero sa iyo maaaring mayroong mangyari."
Kumunot ang noo ko. "Ha? Ano na naman ang pinagsasabi mo?"
"Iyong amo mo sa burger-an, hindi siya basta amo lang, Kristine.
