"Iniwan ka niya at hinayaang umuwi mag isa? Anong klaseng lalake 'yon?!"
Kabababa ko pa lang sa cellphone ko matapos ang usapan namin ni Rick ay narinig ko na agad ang patutsada ni Roiden.
Tumingala ako't marahas na bumuga ng hangin. Pinaglandas ko ang dila ko sa mga ngipin ko bago ko inis na nilingon si Roiden.
"Alam mo kung wala kang matinong sasabihin. Mas mabuti kung manahimik ka na lang!" singhal ko sa kan'ya saka ako mabilis na naglakad palabas ng nasabing lugar.
Pero hindi pa man ako tuluyang nakakalayo ay hinawakan na ako ni Roiden sa braso at marahas na hinila pabalik sa kan'ya. Kamuntikan pa akong matumba dahil sa rahas ng pagkakahila niya. Mabilis na dumapo ang hinlalaki niya sa ibabang parte ng aking labi. Marahan niya iyong hinaplos. Hindi agad ako nakapagprotesta dahil sa
