THE MAFIA PRINCE'S PRINCESS

Chapter 4 - THE OTHER BOSS

"One, two, three, pose!" matinis na sabi ng kanilang floor director.

Napasilip si Abby mula sa backstage, at tutok na tutok na pinanunuod ang kapwa modelo na eksperimentong rumarampa sa Runways.

They were wearing a very sexy swim wear that perfectly hugged their petite bodies.

Alam niya dapat ay nasa fitting room na siya ngunit heto siya at nanunuod. Sabagay, mamaya pa naman sila isasalang. May dalawang part ang fashion shows. Swimwear, and Sunny dresses. At meron din dalawang theme ito: Green and Minty, ito ang suot ng mga rumarampa nilang kasamahan; Dark and Stunning, kung saan sila nabibilang ni Megan.

Habang siya ay nakikiusyoso ay biglang may asungot na tumabi sa kanya.

"Ate Abby, nakita ko ang isusuot ninyo ni Mengay. Hindi kaya mukhang subrang daring iyon?"

"Daring? Ano'ng daring doon?" kaswal na tanong niya. Nakita niya na ang susuotin nila ni Megan, kaya malakas ang loob niya tablahin ang kausap.

"Sexy masyado, I... mean, mabuti pinayagan kang maging model ni Papa Howell," sabi ni Drake sa kanya.

Supladitang nilingon niya ito, at pinandilatan habang ang kausap ay hindi man lang apektado sa mala-tigre niyang titig.

She rolled her eyes. "We're modeling swimwear, Drake, hindi gown! Saka ano ba ang ginagawa mo dito?"

Ipinakita ni Drake sa kanya ang VIP pass na nakasukbit sa leeg nito. Ngunit inirapan niya lang ito bago nagpatuloy sa pagwika. "Saan ba nakalagay ang utak mo ha, sa talampakan mo? Ang mabuti pa'y ituro mo sa akin, kung sinong mokong ang nagbigay sa 'yo ng VIP pass na iyan, nang mabatukan ko!" asik niya sa kinakapatid.

"Galit ka na niyan, Ate Abby?"

"Makuha ka sa tingin ha. Saka 'wag na 'wag mo nga ako matawag-tawag na Ate! Kumukulo ang dugo ko. Ilang linggo lang ang pagitan ng birthday natin, maka-Ate ka sa akin wagas!"

"Eh, sa nauna kang ipinanganak sa akin. Kaya Ate kita."

Banas na pinagkrus niya ang kanyang mga braso sa harap ng kanyang dibdib, at mariing Itong tiningnan. "Kahit na! Ano ba talaga ang ginagawa mo dito ha? Sabihin mo nga sa akin, are you spying on me para masabi mo sa mama ko kung ano ang ginagawa ko?"

Isang mahinang tawa ang pinakawalan ni Drake. "No, why would I? I'm here for my bff, Megan. Kaya 'wag kang masyadong malaki ang ulo. Saka hindi ko trabaho ang maniktik sa 'yo, trabaho iyon ni Vladimir. Kaya itinuon mo ang iyong galit sa kanya, at hindi sa akin."

"So nandito si Vladimir? Seryoso?" Abby shakes her in dismay. "At bakit siya nandito?"

Pilyong ngumisi si Drake. "Bakit ako tinatanong mo? Tanungin mo siya. Ah, alam ko na, baka nagbago na ang isip ni Papa Howell sa pagbibigay ng kalayaan mo kaya pinapunta niya dito si Vladimir."

"Hindi gagawin ni Papa iyon," sabi niya bilang pagtatanggol sa kanyang ama. "Hindi naman ganoon ang ama ko. Pinahalagahan niya ang kanyang mga salita."

"Maaari, pero baka nakakalimutan mo na siya pa rin ang iyong over protective na ama, at mahal na mahal ka niya. Ang swerte mo nga eh. Halos ikaw ang iniisip nila. Hindi tulad ko, hindi man lang ako nakikita ng aking ama. Wala siyang ibang nasa isip kundi ang negosyo, si Mama, at ang bunsong kapatid ko."

Hindi mapaniwalang napatingin si Abby sa kay Drake. "Hoy saan nanggaling 'yun?" naguguluhang tanong niya sa kinakapatid. "Huwag kang ganyan. Nakikitang kong mabait, mapagmahal, at responsibleng ama si Papa Nero sa 'yo. Kung wala man siyang oras para sa 'yo, iyon ay dahil nagsusumikap siya para mabigyan ka ng magandang kinabukasan."

"Kung nabubuhay lang si Lolo, hi sana ako malulungkot." Malungkot na napatingin si Drake sa kanya. "Alam ko naman na mahal ako ni Papa, pero hindi ko ramdam iyon. Na-appreciate ko naman na nagtratrabaho siya nang maigi para sa kinabukasan namin pero hindi naman pera lang ang kailangan ko. Kailangan ko din ng ama, ng oras niya,.at pagkalinga niya."

Nagpakawala ito ng isang malalim na hininga. Siya naman ay parang naninikip ang dibdib. Sa unang pagkakataon, naglabas din ng sama ng loob si Drake sa kanya. Isang bagay na hindi nito ginagawa.

"Why don't you talk to Papa Nero. Tell him what you feel."

Umiling si Drake. "Minsan, naitanong ko sa sarili ko, bakit hindi siya matulad kay Papa Howell? Si Papa mo, super busy, pero nakakahanap siya ng oras para makita ka, at tawagan ka araw-araw. Tatanungin ka kung kumusta ang buhay mo. Si Papa... si Papa, hindi niya iyon nagagawa. Bihira siyang tumawag, mas madalang pa sa pagbilog ng buwan. At kung tatawag man siya, sasabihin niya lang na umuwi na ako dahil nami-miss na ako ni Mama."

Malumbay na tinitigan siya ni Abby. Halos mapiga ang kanyang puso nang makita niya ang pananabik, at lungkot sa mga mata ni Drake. Hindi niya masisisi ito kung ganoon ang nararamdaman nito.

Nakakatampo naman talaga iyon. Subalit hindi niya din pwedeng basta na lang hatulan si Papa Nero niya. Lalo't hindi niya batid ang nasa kalooban nito.

Ang tanging magagawa niya lang bilang kinakapatid nito ay pagaanin ang loob nito. Niyakap niya si Drake, at tinapik-tapik ang likod nito nang marahan.

"It's not good to keep things from Papa Nero. Paano kayo magkaunawaan niyan? Listen to me, you both need to talk."

"Says the girl who can't forget, and forgive her ex," kutya ni Drake, at tinignan siya nang taimtim. "If you're ready to talk to Kuya Xander, maybe that's the time, I will tell Papa my feelings," madiing sabi ni Drake, at tumalikod sa kanya. "I better go. Magkikita pa kami nina Rain, Clyde at Cyrus."

"Argh, you're impossible!" sabi niya na lang, at bumalik na sa fitting room kung saan nadatnan niya na sinusukat ni Megan ang Sunny dresses.

Biglang nagbago ang aura ng mukha niya nang sumagi sa isip niya ang sinabi ni Drake na nasa paligid lang si Vladimir.

Hindi niya alam kung ano ang motibo ng kanyang ama, at pinadala nito si Vladimir para bantayan siya.

Wala bang tiwala ito sa kanya, at sa kanyang kakayahan? Marunong naman siya ng self defense, at hindi lang iyon, bihasa din siyang humawak ng anomang armas.

Kailangan na talagang makapag-usap sila ng kanyang ama ng masinsinan.

Ayaw niya may umaaligid sa kanya na parang aso. It will only attract attention.

Hindi kaya nakarating sa ama niya ang secret admirer niya?

Banas na umupo siya sa may bakanteng revolving chair katabi ni Megan. Agad naman napatingin si Megan sa kanya.

"Oh, bakit hindi maipinta iyang mukha mo ha? Don't tell me ininis ka naman ni Drakey Baby?" natatawang tanong ni Megan sa kanya.

Napanguso siya. "Muntikan na."

"So, bakit parang banas ka?"

"Nandito si Vladimir?" mahina niyang sabi.

Agarang naunawaan naman ng kaibigan niya ang kanyang nais sabihin.

"Talaga? Well, hindi natin masisisi si Papa Howell. Malay mo nakaabot na sa kanya ang tungkol sa secret admirer mo, at gusto ka niyang protektahan."

"I can perfectly protect myself!" giit niyang sabi, at napabuntong hininga. "I'm not a child anymore."

Megan just give her her sweet smile. "Alam kong kaya mong protektahan ang sarili mo. Wala akong pag-alinlangan doon. Ngunit unawain mo ang iyong ama. Nais niyang matiyak na may magtatanggol sa 'yo sa oras ng peligro. Hindi mo kilala kung sino ang nang-i-istalk sa 'yo. Hindi natin siya maaring pagkatiwalaan. Sino ang makapagsasabi kung masama siyang tao o hindi."

Minamasahe niya ang kanyang noo. "Pero nangako siya sa akin. At naiinis ako sa mga taong hindi marunong tumupad sa kanilang mga salita. Hindi ko alam kung nasaan ang loyalty mo. Kaya, hayaan mong ipaalala ko sa iyo, kaibigan mo ako, Megan. Dapat alam mo kung ano ang mararamdaman ko tungkol dito."

Napataas lang ang kilay ni Megan. "Oo, hindi ko nakalimutan ang tungkol diyan. Ngunit ang iyong kaligtasan din ang aking pinakaprioridad," sabi ni Megan, at malambing na hinawakan ang kanyang kamay. "Ayoko ng maulit uli ang nangyari sa atin, two years ago. Please don't let me experience the same pain again. Baka mabaliw na ako. Kaya nakikiusap ako na 'wag mo ng sulungatin si Papa Howell. For my peace of mine."

Wala siyang nagawa kundi ang tumango. Alam niyang labis itong naapektuhan nang sinalakay sila ng mga armadong tao sa kanilang tinitirhang apartment last two years. Nanlaban sila ngunit hindi sila umubra sa mga kalalakihan na iyon.

Mabuti na lang ay may dumaan na mabubuting tao, at narinig ang kanilang paghingi ng tulong kaya nailigtas sila. Kung hindi baka nawarak na ang Bataan nilang dalawa. Labis-labis ang kanilang pasasalamat sa mga nagligtas sa kanila.

Hindi nga lang sila nagkaroon ng pagkakataon na makilala man lang ang mga ito. Basta na lang naglaho ang mga ito 'pag dating ng mga police, at tauhan ni Tito Ethan niya.

Nang makarating sa kanyang mga magulang ang buong pangyayari ay hindi na sila pinayagan na gumala ni Megan ng kanilang mga magulang.

Sinimulan na din siyang tinuruan ni Dawn ng self-defense, at weapon familiarization. At ayon dito ay mas maigi na marunong siyang makipaglaban sa kaaway.

At sa tulong nina Travis, at Luther, mga Uncles ni Dawn ay natutunan niyang humawak ng armas. Her favorite are handgun, crossbow, knifes and daggers.

Kaya nga isang maituturing na himala ang pagpayag ng kanyang ama na mamuhay siyang malayo sa kanila.

Napailing si VLADIMIR nang makatanggap siya ng tawag mula sa isa pa niyang amo.

"Na-secure mo na ba ang lugar?" tanong nito sa kanya agad, at hindi man lang siya binibigyan ng pagkakataong magsalita. "Siniguradohin mo na walang mangyayaribg masama sa kanya. Sinasabi ko sa 'yo Vladimir, kapag nakakita ako ng gasgas sa kanyang maganda at walang bahid na katawan, paparusahan kita sa paraang hindi mo malilimutan!"

Subalit imbes na matakot ay isang nakakainsultong tawa lang ang pinakawalan ni Vladimir. Sanay na siya sa ugali ng kanyang boss, at hindi na siya apektado sa mga pananakot nito. Kampante siyang walang mangyayari sa kay Abby.

"Sabi ng lalaking hindi kayang protektahan ang ex niya," aniya, at walang awang muling tumawa. "Ikaw na kaya ang pumunta dito, at magbantay nang mapayapa na iyang isipan mo. Ngunit sa isang banda, 'wag na lang. Baka uminit lang ang iyong ulo, at makapatay ka pa kapag makikita mo kung gaano siya pinagmamasdan ng mga crew na lalaki dito."

"Kaya nga ikaw ang pinadala ko diyan," tugon ng kanyang amo. "Isa pa, nagkaroon ng problema sa plantasyon ng alak. Hindi ko alam kung paano nangyari ngunit kailangan kong imbestigahan."

Napataas ang kilay ni Vladimir. "Boss, hindi ba't si Xian ang may control sa winery? Eh, bakit makikialam ka? Hayaan mo na si Xian, kaya niya na iyan."

"Alam ko, iyon din sinasabi ko kay Papa, ngunit ayaw niyang makinig. Gusto niyang ako mismo ang mag-imbestiga sa pangyayari. At kilala mo si Papa kapag nag-utos siya dapat sundin mo."

"Iyon nga lang, Boss," tugon niya, at napakamot.

Matagal na siyang tauhan ng pamilya ng Boss niya. Ang kanyang ama ay ganoon din. Kung tutuusin ay parang kapatid na niya na ang kanyang boss, dahil kalaro niya na ito simula nang mga bata pa sila.

Kasing edad niya ang pinsan nitong si Dawny, at kaibigan din. Kaya nga siya napunta sa pagiging body guard ni Abby dahil siya lang ang pwedeng pagkatiwalaan ng boss niya, maliban sa kanyang mga tauhan sa Mafia.

Hindi niya alam kung paano nagawa ng ama nito na mapunta siya sa tahanan ng mga Russo. Ngunit ang sabi sa kanya. Matagal ng magkaibigan ang Duke ng Chartres at ang Baron ng Toledo.

"Sige, bumalik ka na sa pagbabantay, at nandito na si Papa. Tandaan mo ang bilin ko. Update mo na lang ako mamaya."

Napailing na lang si Vladimir nang pinatay na ng kanyang boss ang tawag.

Hindi pa din ito nagbabago 'pag dating kay Abby. Masyado pa din itong balisa. Subalit hindi niya naman ito masisisi. Sa palagay niya kasi maaring hindi pa din nito nakakalimutan ang nangyari kay Abby dalawang taon na ang nakalipas.

Naputol ang kanyang pagmumuni-muni nang nakita niya si Drake na kausap ang kapatid ng kanyang amo.

Bakit ito nasa Virginia?

Agad itong napatingin sa kanyang direksyon. Tinanguan lang niya ito, at tumango din ito sa kanya.

"Make sure that she got my message," dinig niyang sabi nito kay Drake.

"Bakit kaya hindi na lang ikaw ang gumawa tutal nandito ka naman," wika ni Drake, at naglakad palapit sa kanya. "She's my bestfriend, Xy."

"Kaya ko nga pinapagawa sa 'yo iyan."

"Kasi hindi mo magawa?" banas na wika ni Drake na ikinabigla ng kausap nito.

"Exactly! That's my point."

"Pareho lang kayo ng Kuya mo. Mananakit ng babae tapos na-realize na mahal pala niya kaya ipapagawa sa iba ang panunuyo, at pagbabantay."

"Na ginagawa mo naman dati pa," mariing pangatwiran ni Xyrel.

Nakita niyang itinaas ni Drake ang dalawang kamay nito. "Considered me out," sabi pa nito, at naglakad palampas sa kanya.

"What's wrong with him?" tanong sa kanya ng kapatid ng amo niya.

"I think I know what's wrong with him. He's slowly falling in love with your ex," tudyo niya dito, at tumawa nang lihim nang makitang niya ang pagbago ng mukha ni Xyrel.

"Bloody hell! I'm going to kill him."

"Yes, you can. But before you do that, think twice. Drake's father may not be as wealthy as your old man, but he can definitely shake your world if he wants," paalala niya dito.

Napakamot na lang ang kapatid ng boss niya, bago ito naglakad palayo sa kanyang kinaroroonan.

"Take care of our girls," pasigaw na sabi nito bago tuluyang lumayo.

Napatawa na lang si Vladimir. "Do I have a choice?"