الفصل السادس والعشرون :-
في صباح يوم جديد بشركة السيوفي دلف احمد بهدوء وخشونه تحت أنظار الجميع ونظرات الإعجاب من الفتيات ولما لا فهو أصبح اعزب الآن فقد انتشر خبر انفصاله عن فاتن وصل لمكتب مازن توقف أمام نهى يرمقها بغيظ مما جعلها تبتسم بمعرفه وحرج
نهى بمرح :- صباح الخير يا فندم
احمد بغيظ :- هيجي منين الخير كان هيحصلك حاجه لو كتمتي ع الموضوع
نهى بضحك :- موضوع إيه يا فندم أنا مش فاهمه حاجه
احمد بغيظ :- ما أنا عارف من أمته بتفهمي يعني بس العيب مش عليكي العيب ع الحيوان اللي قالك بس ماشي أنا هتصرف معاه بس ييجي واشوفه
نهى بزهق :- وهو ماله يعني مش ده اللي حصل فعلاً ولا جاب حاجه من عنده وأنا أصلاً مقولتش غير لفريده لما كنا بنفطر سوا
أحمد بحنق :- كان يوم أ**د يوم ما يوسف ارتبط بيكي أنا هخليه يلغي الخطوبه اللي جت ع دماغي أنا دي
نهى بمرحها المعتاد :- ده أنا هديه ليكم في الشله الكئيبه دي
