الفصل الثامن عشر :-
قبل قليل من الوقت في غرفة الصالون بفيلا السيوفي كانت تجلس ندى مع والدتها ونور ومعهم ملاك في جو يسوده المرح والعتاب لتقول ملاك بمرح بعدما تصافت ندى مع والدتها :-
ملاك بمرح :- قوليلي يا نادو بقالك كام يوم في ألمانيا مفيش حد كده ولا كده لفت نظرك
ندى وقد أوردت وجنتاها :- إيه اللي بتقوليه ده لا طبعاً أنا رايحه شغل ولا رايحه اشقط رجاله
آمال بغضب :- إيه الكلام ده منك ليها وإيه اشقط دي انتي كمان ما تقولي حاجه افهمها ولا خايفه
ندى بتوتر :- لا يا ماما هخاف من إيه أنا أقصد أنه مكنش فيه وقت إني افكر في حاجه غير الشغل
آمال بجديه :- أحسن ومش هيكون فيه وقت تفكري غير في شغلك وحياتك الجديده
ندى بعدم فهم :- مش فاهمه حضرتك تقصدي إيه يعني إيه حياتي الجديده
نور بتوتر :- ماما قصدها شغلك الجديد وكده صح يا ماما
قالتها وهي تغمز لوالدتها بالخفاء حتى تنتظر ولكن لاحظتها ندى لتقول
