Awkward akong tumawa at saka umiling-iling bilang sagot sa tanong niya.
Nang tignan ko siya ay nagtaka ako dahil nakataas ang mga kilay nito.
"Sigurado ka ba?" paninigurado nito.
"Oo," sagot ko at nagawa ko pa siyang hatawin sa braso bilang biro.
Ngumiti sa akin si Simoun at saka tinapik-tapik ang ulo ko bago tanggalin ang kamay ko na nasa braso niya na pinagtaka ko.
"Paunahan tayo!" sigaw niya at agad na tumakbo.
"Huh?" nagtatakang tanong ko sa kaniya habang pinagmamasdan ang likod niyang papalayo na sa akin.
"Ang mahuli ay manlilibre mamayang break time!" sigaw pa niya.
Nanlaki ang aking mga mata at mabilis siyang hinabol.
"Hoy! Hintayin mo ako," sigaw ko sa kaniya.
Humarap siya sa akin habang ang mga paa ay patuloy pa rin sa pag-abante at dinilaan ako. Imbes na maasar ay nanl
