Nang makabalik ako sa classroom ay agad akong tumakbo papunta sa pila dahil group na pala namin ang bibili.
Sana lang ay hindi ako maubusan ng bibilhin na gusto ko.
Pagdating ko sa unahan ay pinakatitigan ko muna ang mga nasa tray na pagkain at napangiti ako nang makita ang pancake kaya bumili ako ng dalawa nito.
Pagbalik ko sa aking upuan ay nagtaka ako dahil mukhang hindi yata maganda ang mood nila ngayon.
"May problema ba, guys?" tanong ko sa kanila habang ngumunguya ako ng pancake.
"May sasabihin ako," ani Vel.
Napaupo naman ako ng diretso habang patuloy pa rin ang pagkain. Tumango naman ako at saka nginitian siya.
"Masaya kami sa malaking pagbabago mo pero ano ba dahilan nito? Biglaan na lang kasi, e," sabi niya.
Natigil naman ako sa pagnguya at saka napatingin sa kanilang ap
