KABANATA 27
"ANO, WALA pa ba si Israel?"
"Mama, hindi sinasagot ang tawag." Maarteng hinawi ni Esther ang ilang hibla ng kaniyang buhok gamit ang mahabang kuko na well-polished, saka eleganteng naupo sa couch ng sala ng kanilang mansyon. "Well, kahit kailan naman ay hindi nagka-interes na sagutin noon ang mga phone calls ko sa kaniya."
"Iyon ay dahil wala ring kwenta paminsan ang mga sinasabi mo. Puro na lang reklamo." Pagsingit ni Abraham Guillanes habang naglalakad ngayon palapit sa kanilang kinaroroonan, tumayo ito sa tabi ng solo sofa na kinauupuan ni Olga Guillanes habang sinesenyas ang hawak na telepono. "Tumawag na ako kanina at sinabi ko na rin na kailangan niyang umuwi ngayon mismo rito sa bahay, pero may importante siyang kailangang asikasuhin. Iyon lang."
"Excuse me?" Hindi
