KABANATA 28
"BUKOD DOON, mayro'n ka pa bang naalala?" Kinakabahang asik pa ni Celeste sa batang si Sarra.
"Tinawag siya ni Lolo na 'ham'..." bahagyang nag-aalinlangan at hindi sigurado na segunda nito. "Sir Ali! Sir Ali pala, hindi ko po alam kung bakit 'ham' ang una kong nabanggit." Humagikhik nang mapagtanto na mali ang naunang sinabi, gaya ng isang batang paslit na may hindi ganoon katalas na memorya.
Ilang segundong natulala at hindi nakaimik si Celeste sa batang si Sarra, una ay dahil hindi niya alam kung saan mag-uumpisa para hanapin ang 'Sir Ali' na 'yon, pangalawa ay dahil hindi niya sigurado kung paano naman ito hahanapin gayong hindi pwedeng sabihin kahit kanino ang impormasyon.
Sigurado siyang hindi rin niya masasabi kay Israel ang bagay na 'yon dahil nangako na siya sa bata
