KABANATA 34
"NANINIWALA akong alam ni Israel at ni Celeste ang ginagawa nila, pero kung ako lang ang tatanungin ninyo... wala talaga akong nahalatang... kahit anong kakaiba sa samahan nilang dalawa." Litanya ni Mother Katalina nang ito naman ang hingian ng komento ng mga Guillanes. "Ang buong akala ko lang talaga ay magkaibigan lang sila at kinuha ni Israel si Celeste bilang assistant niya sa opisina."
Ngayon ay nasa opisina sila ng punong madre sa Hillcrest, nasa silid din ang iba pang madre na madalas nakakasama ng lahat sa bahay-ampunan, pati ang ilan sa mga Guillanes maliban kay Abraham na nagpaiwan sa mansyon kasama ang kaibigan ng kanilang pamilya na si Portugal.
Sarkastikong napabuga ng pagtawa si Esther, noong una ay maliit at mahina lamang hanggang sa lumakas ito, ipinahahalata
