”TOTOO? Anong totoo?” Napatigil sina Anna at Chad sa ginagawa nang marinig ang boses ni Eliza. Napaisip ang dalawa kung ano ang ilulusot sa dalaga na dahilan. Hindi naman nila iniasahan ang bigla nitong pagdating sa kusina habang nag-uusap sila kaya naman sabay silang napatingin sa kinaroroonan nito nang magsalita siya. Kaya ganoon na lamang ang pagkagulat ng dalawa.
”K-kanina ka pa ba riyan, Eliza?” takang tanong ni Anna.
”Kadarating ko lang po. I was just asking kung may tubig po ba kayo? Medyo nauuhaw kasi ako,” ani Eliza at hinaplos ang kaniyang lalamunan. Nakahinga nang maluwag ang dalawa matapos marinig ang sinabi ng dalaga. Manghihingi lang pala ito ng tubig.
”A. . . oo! Sandali, ikukuha kita.” Agad na pumunta si Anna sa refrig
