"GOSH! Ang guwapo niya, besh!" Halos magtatalon sa tuwa si Eliza habang kakuwentuhan ang kaibigan nitong si Patricia — isa sa naging matalik niyang kaibigan. Tila ba nasa alapaap ito habang inilalahad ang mga nangyari noong gabing inaya siya ni Chad na lumabas at kumain sa isang mamahaling restaurant.
"Bakla, hindi naman halatang kinikilig ka, 'no?"natatawang sambit ni Patricia habang pinagmamasdan ang kaibigan na namimmilipit sa kilig. Mabuti na lang at nasa loob sila ng opisina ni Eliza. Kundi, baka ang buong building ay nabulahaw na sa malalakas na tiling bumumbulabog sa apat na sulok ng silid.
"E, kasi naman ang sweet-sweet niya. Tapos, hinatid pa ako kagabi pag-uwi. Imagine that?" Para bang hindi alintana ni Eliza ang mataas na patong-patong na p
