NANININGKIT ang mga mata ni Mama nang makita ako pababa ng hagdanan. Sinuyod niya ako ng tingin mula ulo hanggang paa kaya tuloy parang gusto ko na lang ulit bumalik sa kwarto.
“Aba! Saan ang lakad mo, Tiara?” panunukso ni Mama nang makitang nakahanda talaga ako papunta kina Tita Lilian ngayong hapon.
Paano’y nakasuot ako ng knitted crop top na ipinares ko sa high-waist jeans. “Nag makeup ka pa eh sa tita mo lang tayo pupunta!” komento pa ni Mama na hindi ko akalaing mapapansin pala kaya nag-init ang pisngi ko sa hiya.
Dahil short hair lang ako, nagkunwari akong may buhok na pinalis at gandang-ganda sa sarili nang magsalita. “Sayang naman kasi ‘yong mga inorder mong damit sa akin online kaya ginamit ko na ngayon. Tsaka, pulbo at lip gloss lang ito, Ma! Ganda ng lahi natin ‘di ba?” pamb
