“Subukan mo kayang tawagan si Gabriel…”
Ito ang sinabi sa akin ni Cara nang magkasalubong kami pagpasok ko sa loob ng kanilang vacation house. Tatanungin ko sana kung bakit hindi siya ang gumawa nito pero hindi ko na ginawa.
Naisip ko kasing request ito ng birthday girl kaya dapat pagbigyan. Bukod pa rito, mukhang enjoy na enjoy siya sa pagsu-swimming kasama ang iba niyang mga bisita kaya hindi na niya ito mabigyan pa ng oras. She’s obviously having the best day of her life and I don’t want to be the one to ruin it for her.
Okay na rin siguro na ako ang tumawag kay Gabriel dahil gusto ko rin siyang kumustahin.
Nang tumawag nga lang ako, nakailang ring na pero ‘di pa siya sumasagot. Naisip kong baka hindi siya makasagot dahil nasa trabaho. Kaya naman muntik ko nang ibaba ang tawag ba
