“Tiara!”
Napalingon kami sa pinanggalingan ng boses at dito’y nakita si Cara. Nakasuot siya ng floral dress at abot tainga ang ngiti habang kumakaway sa amin. Kumaway din naman ako pabalik at mula sa paanan ng hagdanan kung nasaan siya ay halos takbuhin niya ang distansya sa pagitan namin.
Nakakatuwa namang makitang masaya siya ngayong kaarawan niya. Syempre’y para sa kanya talaga ang araw na ito.
“Happy Birthday, Cara!” bati ko sa kaibigan. Nagsunod-sunod na rin ang bati ng mga kasama ko na agad niyang pinasalamatan.
“Thank you! Buti nakapunta kayo!” sabi naman ni Cara pabalik. Niyakap pa niya ako nang mahigpit. Pinakilala ko rin nang mabilisan ang mga kasama ko at mukhang wala namang problema sa kanya na kasama ko hindi lang ang kapatid ko kung hindi maging ang mga ka-dorm ko.
“S
