Nanginginig ang kamay ko habang hawak ang puting envelope na nakapatong sa lamesa. Nagtatalo ang isip ko kung bubuksan ko ba, dahil naka seal pa ito. Tiyak na malalaman ni Samuel kapag binuksan ko. Inis ko itong binitawan sa ibabaw ng lamesa.
"Kainis!" sambit ko sa sarili, napatingala naman si Sab sa akin na wari bang nagtataka sa kinikilos ko. Kaya nginitian ko na lamang siya at hinalikan sa pisngi.
"Huwag kang maingay kay daddy huh! Sisilipin lang naman ni mommy!" Kausap ko dito, para bang naiintindihan naman niya ang pinagsasabi ko at ngumiti pa sa akin. Kaya muli ko itong dinampot at akmang bubuksan na sana nang biglang umiyak si Sab. Nang lumakas ang iyak nito ay nataranta ako kung paano ko siya patitigilin sa pag iyak. kaya nabitawan ko ang envelope, nalaglag ito sa lapag at sumu
