Mahigit sa dalawang araw na ang lumipas simula nang huli silang magkita ng kanyang boss. Hindi man niya aminin sa sarili ay alam niyang nami-miss na niya ito. Panay ang tingin niya sa kanyang telepono at nag-aabang ng tawag mula kay Miss Glam. Umaasa na sana ay ipinatatawag siya ni Glenn upang pagsilbihan itong muli. Para siyang sira na tulalang nakatitig sa salamin matapos ang ilang minutong pagtitig sa kanyang telepono.
“Ate, kain na po tayo. Nainit ko na po iyong mga tirang ulam, ” ani Nonot nang sumilip ito sa kaniyang silid. Oo nga at magtatatlong araw na, subalit nariyan pa rin ang iba sa mga ulam na kanyang na-bring house. Hindi niya alam kung ano ang nangyari. Ngunit sa pagkakaalala niya ay malinaw niyang nagbasa sa food court na walang take home and leftovers. Ngunit nang makauw
