Maaliwalas ang araw na nagmumula sa kalangitan. Mistula tumatagos sa bawat siwang ng mga dahon ang liwanag na tinatabunan ang buong lugar. Banayad ang hangin na isinasayaw ang sanga ng nga puno, habang tinatangay nito ang tinig ng mga ibon at panaka-nakang atungal ng mga stallion. Mistula isang untouched world ang lugar. Mukha itong hardin nina Eba at Adan. Malawak ang sakop ng mga punong kahoy na hitik sa yaman ng masaganang bunga, at mistula bagong sibol ang mga dahon dahil sa tingkad niyon. Mahahalina ang sinumang makakapasok sa lupain lalo’t tangay din ng sariwang hangin ang halimuyak ng malaparaisong ganda na hardin ng samo’t saring mga rosas. Habang sa ’di kalayuan ay nakahimlay naman ay isang lumang hot spring.
Sa malawak na lupain na isa sa pag-aari ng tinaguriang The shadow, isa
