WYNTER JUAREZ
Ako, si Ryan, si mommy at daddy lamang ulit ang nagsabay-sabay kumain ng hapunan dahil hindi pa umuuwi ang mga kapatid ko.
Kahit papaano ay naging okay naman ang pagsasalo-salo namin. Kinakausap ako ni mommy, daddy at sinasagot ko lang ang mga tanong nila sa tipid na paraan. Tulad sa nalalapit kong pagpasok sa university, sa business course na kinuha ko na ibinilin ni Don Adolfo kay Dan.
Pagkatapos naming maghapunan, umakyat ako sa kwarto ko upang saglit na magpahinga bago mag-shower. Si Ryan naman ay naiwan pa sa baba dahil hindi pa siya tapos makipagkuwentuhan sa mga magulang ko.
Naabutan ko sa paanan ng kama ang dalawang bouquet ng bulaklak na hanggang ngayon ay hindi ko pa naibibigay gaya ng bilin ni Ryan.
Ang sabi niya kanina nang makauwi kami, ibigay ko raw agad iy
