WYNTER JUAREZ
Sa mansyon ni Don Adolfo ang naging ruta ni Dan matapos niya kaming sunduin ni Ryan sa McDo. Fortunately, mukhang hindi naman siya nakahalata na hindi talaga kami galing sa Korea.
"Pansamantala, sa mansyon daw muna kayo titira habang inaayos pa 'yung bahay n'yo na binili ng lolo mo, Ryan." Saglit pang tumanaw si Dan sa rearview mirror para sulyapan ang katabi kong si Ryan na kanina pa tahimik.
Ibig sabihin pala, talagang bubukod kami ni Ryan soon? Wow. Exciting!
"Ga'no kami katagal sa mansyon?" Ako na ang nagtanong dahil hindi na ako nakatiis.
"For a week siguro. Hinihintay pa 'yung ibang mga furnitures at appliances na inorder pa ni Don Adolfo overseas. Wala pang kagamit-gamit sa bahay n'yo kaya hindi pa p'wedeng tirhan." Bahagya akong napatango sa aking narinig. "At ik
