WYNTER JUAREZ
Narito ako ngayon sa sarili kong kwarto, tahimik na nakahiga sa kama at nakatitig sa kisame. Si Ryan naman ay nasa kwarto rin niya.
Kahit papaano ay medyo napanatag na ako dahil may mga guwardya nang nakapaikot sa bahay namin dito sa subdivision. Iyon ang mga ipinadala ni Don Adolfo kanina at kasama pa si Secretary Dan na naghatid sa mga ito. Sakto nga na pag-alis nila Keycee ay saka sila dumating.
Alam na rin sa villa namin ang nangyari kanina kaya naman tinawagan din ako ni daddy para kumustahin. Si mommy rin ay kinausap ako.
Si Kuya Hanz at Monet naman ay nagteks sa akin para mangumusta rin, pero mas pinili kong hindi sila reply-an.
Maging si Christia ay nag-chat at nagtatanong tungkol sa nangyari. At alam kong si Keycee ang nagparating no'n sa kaniya, wala ng iba pa
