KEYCEE POV
"Uminom ka muna." Inabot ko kay Ryza (Wynter) ang bottled water na pinakialaman kong kuhanin sa ref nila.
"Salamat," tipid niyang sagot bago niya iyon buksan at tunggain. Habang nanatili naman ang tingin ko sa kaniya, pinagmamasdan siya.
Narito kasi kami ngayon sa sala nila, kasama ko si Ace at ang mga anak namin. Naisipan naming dumaan dito kanina matapos naming mag-grocery. Pero medyo alarming ang inabutan naming sitwasyon dahil may mga pulis kanina sa loob at labas ng bahay nila. Mayroon ding nag-iikot sa buong subdivision.
Dahil ayon kay Ryza (Wynter) sa report niya sa mga pulis ay may lalaki raw siyang nakita sa loob ng bahay nila na hindi naman niya kilala.
Kinuwento niya rin sa amin kung paano siya nakatakbo at kung paano siya nakahingi ng tulong.
Sinubukan din daw
