WYNTER JUAREZ
Habang sinisipat ko ang salamin para sana alamin kung talagang may grado iyon, may bigla akong napansin sa repleksyon na mula sa aking likuran.
Gumalaw ang kurtina na bahagyang nakaumbok ang isang parte, na tila may nakakubling tao. At mas lalo ko pa iyon nakumpirma nang makita ko rin sa repleksyon ang dalawang pares ng paang nakasuot ng sapatos na itim.
Saglit akong natigilan at tila nanigas ako sa aking kinatatayuan habang nakatapat pa rin sa aking mukha ang anti-radiation glass na hawak ko.
Sino 'yon?
Gusto kong tumakbo palayo ngunit hindi ko magawa dahil kasalukuyan akong nilalamon ng nerbyos. Pero kailangan kong kalmahin ang sarili ko habang hindi pa ito kumikilos o lumalapit sa akin.
Hindi ako p'wedeng mataranta dahil mas delikado. Baka maging katapusan ko na. An
