RYZA SAMSON
Nang magising ako ay kusina agad ang tinungo ko para uminom nang warm water. At kaya pala wala na si Ryan sa kama ay dahil naroon siya sa kusina, naghahanda ng almusal.
Nakasuot siya ng plain shirt at cotton short. Mukhang nakaligo na rin siya dahil sa buhok niyang mamasa-masa pa.
"Morning," mahina kong bati sa kaniya at saka ako dumiretsong kumuha ng mug. Nilagyan ko iyon ng kalahating mainit mula sa water dispenser ko at hinaluan ko ng malamig, na sakto lang para maging warm ang timpla.
"Good morning. Malapit na 'ko makaluto, hintayin mo na."
Tahimik lang akong naupo sa harap ng mesa, pinagmamasdan ko siya habang nakatalikod siya sa aking direksyon.
Ano kaya'ng magiging reaksyon niya kapag nalaman niyang si Wynter ang dahilan kung bakit ako naaksidente at nawala ang an
