Philippines. Wednesday, 7:03 am.
RYAN DELA CRUZ
Maaga 'kong umalis sa bahay, hindi para pumasok sa kompanya ni lolo, kun'di para pumunta kina Kuya Asyong.
Tatlong araw na simula nang makabalik kami ni Wynter galing sa London. Noong unang araw, sa mansyon ako pina-diretso ni Dan dahil kakausapin daw ako ni lolo regarding sa meeting.
Pumunta naman ako at sinagot ang mga tanong niya base sa mga natandaan ko. Pero hanggang do'n lang. Hindi ko binaggit sa kaniya, kahit kanino sa mansyon ang nangyaring shooting, kahit pa kay lolo.
Noong nasa London pa kami, natandaan kong sinabi ko kay Wynter na alam ko kung sino ang nasa likod no'n. Pero sinabi ko lang 'yon para pigilan siyang mag-report. Hindi 'yon Pilipinas, and it would be too much trouble kapag ipinaalam pa namin sa batas. Baka hindi k
