WYNTER JUAREZ
Gaya ng gusto ni Ryan, nagpunta kami sa villa. Hindi ko na siya nagawa pang kontrahin kanina dahil mukhang wala rin naman akong magagawa.
Paano ko siyang mapipigilan kung mas nauna pa siya sa akin gumayak matapos niyang maligo?
"Wynteeeer!" Si Monet agad ang sumalubong sa amin pagbaba namin sa sasakyan matapos iyon iparada ni Ryan sa loob din ng maluwang naming compound.
Paglapit niya, kinuha niya agad sa kamay ko ang bitbit kong basket na may iba't-ibang klase ng prutas, na si Ryan ang bumili. Ibigay ko raw kay daddy.
Si Monet din ang sinabihan ko kanina sa text para ipaalam na darating kami ni Ryan ngayon. I don't know, pero baka nagsabi rin si Ryan kay daddy, knowing na may contact sila.
Speaking of Ryan, nasa bandang likuran namin siya ni Monet. Bitbit niya ang bac
